विटा--मराठा आरक्षणाचा प्रश्नी खुद्द सत्ताधारी शिंदे गटाच्या आमदाराच्या गावांतच आज सोमवारी जाळपोळ करण्यात आली. सांगली जिल्ह्या तील शिवसेना शिंदे गटाचे एकमेव आमदार अनिलराव बाबर यांच्या गार्डी (ता. खानापूर) येथे "एक मराठा,लाख मराठा," "जय भवानी- शिवाजी", "आरक्षण आमच्या हक्काचे नाही कुणाच्या बापाचे," आरक्षण द्या नाहीतर खुर्च्या खाली करा, अशा घोषणाबाजीत जालन्यामध्ये सरका रातील ज्यांनी लाठीमारीचा आदेश दिला त्यांचा राजीनामा घ्या, अशी जोरदार मागणी यावेळी करण्यात आली.
जालना येथे झालेल्या मराठा समाजाच्या आंदो लनकर्त्यांवर झालेल्या लाठीचार्ज घटनेचा सर्वत्र तीव्र निषेध करण्यात येत आहे. त्याचाच एक भाग म्हणून सत्ताधारी शिंदे गटाचे आमदार अनिलराव बाबर यांच्या गार्डी (ता. खानापूर) येथे फलटण ते सांगली राज्य महामार्गावरील रस्त्यावर टायर्स पेटवून रस्ता रोको करण्यात आला. यावेळी थोडा तणाव निर्माण झाला होता. दोन्ही बाजूंकडे काही काळ वाहनांची रांग लागली. या आंदोलना दरम्यान दस्तुरखुद्द आम दार बाबर यांचे पुतणे राहुल बाबर, सौरभ बाबर, अजित बाबर, उपसरपंच विक्रम बाबर, बालाजी बाबर, कुलदीप बाबर, ऋतुराज बाबर, विशाल साळुंखे, प्रदीप कुंभार, हर्षवर्धन पाटील, सुशांतच चव्हाण यांच्यासह शेकडो तरुण रस्त्यावर उतरले होते.
टिप्पण्या
टिप्पणी पोस्ट करा