आटपाडीत सेंद्रिय शेती करणाऱ्या शेतकऱ्यांना भाजीपाला पिकाच्या बियाणाचे वापर

आटपाडी -  तालुक्यातील सेंद्रिय शेती करणाऱ्या शेतकऱ्यांच्या सेंद्रिय शेतीला प्रोत्साहन देण्यासाठी पंचायत समितीकडून नामवंत कंपन्यांचे भाजीपाला पिकांच्या बियाणाचे मोफत वाटप केले. गटविकास अधिकारी अजिंक्य कुंभार आणि कृषी अधिकाऱ्यांच्या हस्ते  बियाणांचे वाटप केले.                 केंद्र आणि राज्य सरकारने सेंद्रिय शेतीला प्रोत्साहन देण्याचे धोरण राबवले आहे. रासायनिक फवारे आणि खतांचा वापर कमी करून सेंद्रिय पद्धतीने शेतकऱ्यांनी भाजीपाला पिकवावा, यासाठी विविध धोरणे राबवून प्रोत्साहन दिले जात आहे. अती रासायनिकचा वापर केल्याने आरोग्याच्या समस्या गंभीर होत चालले आहेत. त्यामुळे सेंद्रिय शेती करणाऱ्या शेतकऱ्यांना मोफत बियाणे, खते, औषधे देण्याचे धोरण राबवले आहे. त्या अंतर्गत जिल्हा कृषी अधिकारी मनोज वेताळ यांच्या माध्यमातून आटपाडी पंचायत समितीला नामवंत कंपन्यांची मिरची, टोमॅटो, भेंडी, शेवगा, बीट, पालक, मेथी, कोथिंबीर आदी प्रकारची बियाणे प्राप्त झाली होती. या बियाणाचे वाटप सेंद्रिय शेती करणाऱ्या शेतकऱ्यांना गटविकास अधिकारी अजिंक्य कुंभार कृषी अधिकारी अनिल पाटील यांच्या हस्ते केले.