आटपाडीतील रासपच्या पोरांनी यासाठी केले निधीचे संकलन

स्पर्धा परीक्षेची तयारी करणाऱ्या विद्यार्थ्यांना राहण्याची मोफत सोय करण्यासाठी निवासस्थान कार्यालय घेण्यासाठी आटपाडी तालुक्यातील राष्ट्रीय समाज पक्षाच्या कार्यकर्त्यांनी एक लाख एक हजार रुपये गोळा करून पक्षाचे संस्थापक अध्यक्ष महादेव जानकर यांच्याकडे सुपूर्द केले. राष्ट्रीय समाज पक्षाचे अध्यक्ष तथा माजी दुग्ध विकास मंत्री महादेव जानकर यांच्या वाढदिवसाचे औचित्य साधून राष्ट्रीय समाज पक्षाचे तालुकाध्यक्ष लक्ष्मण सरगर आणि त्यांच्या मावळ्यानी या निधीचे संकलन केले होते. या लोकनिधी संकलन आणि समर्पन सोहळा आटपाडी पार पडला. यावेळी महाराष्ट्र लोकहितवादी पक्षाचे प्रदेशाध्यक्ष तात्यासाहेब गायकवाड, रासकचे प्रदेशाध्यक्ष काशिनाथ शेवते, महासचिव ज्ञानेश्वर सलगर, रासपचे पश्चिम महाराष्ट्र अध्यक्ष अजित पाटील, रासपचे आणि तालुकाध्यक्ष लक्ष्मण सरगर प्रमुख उपस्थित होते. दिल्ली येथे स्पर्धा परीक्षेची तयारी करणाऱ्या गरीब विद्यार्थ्यांना राहण्याची सोय व्हावी यासाठी कार्यालय निवासस्थान घेण्याचा निर्णय घेतला. यावेळी महादेव जानकर यांनी सामान्य कार्यकर्त्यांच्या जिवावर राष्ट्रीय समाज पक्ष चालू आहे. ज्या कुटुंबातील कुणीही राजकारणात नसणाऱ्या सर्वसामान्य कुटुंबातील युवकांना पैलू पाडून राजकारणात नेते बनवण्याचे काम पक्ष करतो. पक्षातील प्रत्येक कार्यकर्ता संघर्ष आणि त्याग करणारा असल्याचे प्रतिपादन केले. या वेळी रासपचे प्रदेशाध्यक्ष काशिनाथ शेवते, महाराष्ट्र महासचिव ज्ञानेश्वर सलगर, पश्चिम महाराष्ट्र अध्यक्ष संजय माने यांची भाषणे झाली. यावेळी उमाजी चव्हाण, कालिदास गाढवे, सत्यजित गलांडे, विलास चव्हाण, अजित कटरे, अरुण झंजे, सुदाम जरग, संदेश खटके, प्रशांत खुपकर, यश माने, सुहास सरगर, विशाल सरगर, विजय सरक, महादेव कोळेकर आदी उपस्थित होते. फोटो-१) आटपाडी येथे राष्ट्रीय समाज पक्षाच्या कार्यकर्त्यांनी दिल्लीत स्पर्धा परीक्षेची तयारी करणाऱ्या गरीब विद्यार्थ्यांच्या राहण्याची सोय करण्यासाठी संकलीत केलेला निधी पक्षाचे संस्थापक अध्यक्ष महादेव जानकर यांच्याकडे सुपूर्त केला.