मराठी साहित्य परिषदेचा उत्कृष्ट शाखा पुरस्कार आटपाडी शाखेला प्रदान

आटपाडी महाराष्ट्र साहित्य परिषदेच्या येथील शाखेला पुणे येथे साहित्य परिषदेच्या वर्धापन दिनाचे औचित्य साधून "राजा फडणीस उत्कृष्ट शाखा" या पुरस्काराने सन्मानित केले.  महाराष्ट्र ज्ञान मंडळाचे अध्यक्ष विवेक सावंत, महाराष्ट्र साहित्य परिषदेचे अध्यक्ष डॉ.रावसाहेब कसबे यांच्या हस्ते महाराष्ट्र साहित्य परिषदेच्या येथील शाखेने अध्यक्ष अमरसिंह देशमुख यांना प्रदान केला.                                         पुणे येथे डॉ. माधवराव पटवर्धन सभागृहात हा पुरस्कार वितरण सोहळा पार पडला. यावेळी नामवंत लेखक अच्युत गोडबोले , साहित्य परिषदेचे कार्याध्यक्ष मिलींद जोशी, डॉ. शमशुद्दीन तांबोळी, साहित्यिक सुभाष कवडे आणि वाचन आकलन उपक्रमाचे कार्यवाह दिनेश देशमुख उपस्थित होते.  महाराष्ट्रात साहित्य परिषदेच्या 350 वर शाखा असून यातून उत्कृष्ट शाखा पुरस्कार म्हणून आटपाडी शाखेची निवड करूध गौरव करण्यात आला. साहित्य संमेलन, विविध पुस्तक प्रकाशने, दरवर्षी अखील भारतीय मराठी साहित्य संमेलनाच्या अध्यक्षाचे मार्गदर्शनपर व्याख्यान असे अनेक साहित्यिक उपक्रम राबवले जातात. तसेच यंदा श्रीमंत कै. बाबासाहेब देशमुख यांच्या जन्मशताब्दीनिमित्त "एक लाख पुस्तके वाचन व आकलन" उपक्रम प्रभावीपणे राबवला होता. त्याची दखल घेऊनच पुरस्काराने गैरव केला.  'दिसामाजी काहीतरी लिहीत जावे, प्रसंगी अखंडित वाचित जावे', ही म्हण आटपाडी शाखेने प्रभावीपणे प्रत्यक्षात राबवली आहे. समाजाचा तळ जागृत व सुसंस्कारित करण्यासाठी केलेले काम महाराष्ट्राला दिशा देईल असे मत यावेळी मान्यवरांनी व्यक्त केले. " पुण्यात साहित्य शारदेच्या प्रांगणात झालेला हा सन्मान गदीमा, शंकरराव खरात ,व्यंकटेश तात्या या साहित्य शिरोमणीचां वारसा पुढे नेणारा आहे. हे काम इथुन पुढे देखील जोमाने पुढे घेऊन जाणार असल्याचे मत अमरसिंह देशमुख यांनी व्यक्त केले. कोषाध्यक्ष सुनिताराजे पवार यांनी आभार मानले.