आटपाडी तालुक्यात जिल्हा परिषद ा निवडणुकीची अशी होणारा मतमोजणी

आटपाडी ता. 8- आटपाडी तालुक्यातील चार जिल्हा परिषद गट आणि आठ पंचायत समिती गणांसाठी पार पडलेल्या मतदानाची मोजणीची  जय्यत तयारी पूर्ण केली असून 19 टेबल्सवर ही प्रक्रिया पार पडणार आहे. त्यामध्ये एका टेबलावर टपाली आणि इतर 18 टेबलावर ईव्हीएम मशीन मतदानाची मोजणी केली जाणार आहे.  साधारण चार तासात सर्व निकाल स्पष्ट होतील, अशी माहिती निवडणूक निर्णय अधिकारी  समाधान शेंडगे आणि सहायक निवडणूक निर्णय अधिकारी शीतल बंडगर यांनी दिली. 

मतमोजणीसाठी एकूण 19 टेबल्सची व्यवस्था केली आहे. यापैकी 18 टेबल्सवर ईव्हीएम  मशीनमधील मतांची मोजणी होईल, तर एक टेबल टपाली मतपत्रिकेसाठी राखीव ठेवण्यात आला आहे. संपूर्ण चार जिल्हा परिषद आणि आठ पंचायत समितीची मतमोजणी प्रक्रिया एकूण 11 फेऱ्यांमध्ये पार पडणार आहे.

 खरसुंडी जिल्हा परिषद गटात पासून मतमोजणीची सुरूवात केली जाणार. त्यानंतर अनुक्रमे करगणी, दिघंची आणि  सर्वात शेवटी निंबवडे गटांची मतमोजणी केली जाईल. साधारण एका गटाची मतमोजणी चार फेऱ्यात पूर्ण होईल. त्यासाठी एक तास वेळ जाऊ शकतो. चारही गटाची मतमोजणी दुपारी दोन पर्यंत पूर्ण होईल, असा प्राथमिक अंदाज आहे.गटनिहाय आणि गणनिहाय निकाल जाहीर केले जाणार असून, एकावेळी फक्त संबंधित गटातील उमेदवार आणि त्यांच्या प्रतिनिधींनाच कक्षात प्रवेश दिला जाणार आहे.

सुरक्षेच्या दृष्टीने एक पोलीस उपअधीक्षक, दहा पोलीस अधिकारी आणि शंभर पोलीस अंमलदारांसह होमगार्डचा मोठा ताफा तैनात करण्यात केला आहे. मतमोजणी केंद्रात मोबाईल नेण्यास मनाई केली आहे. उमेदवारांच्या प्रतिनिधींसाठी तहसील कार्यालय येथे ओळखपत्रांचे वितरण केले आहे.

नागरिकांना निकालाची माहिती मिळावी म्हणून तहसील कार्यालयाबाहेर लाऊडस्पीकरची सोय केली आहे. तसेच पत्रकारांसाठी स्वतंत्र पत्रकार कक्षाची स्थापना करण्यात आली आहे. 

मतमोजणीसाठी 122 अधिकारी व कर्मचाऱ्यांना विशेष प्रशिक्षण देण्यात आले असून प्रशासन मतमोजणीसाठी सज्ज झाले आहे.