पश्चिम भागातील तीर्थक्षेत्राच्या विकासासाठी जयदीप भोसले यांना झेडपीत पाठवा-- आमदार सुहास बाबर

आटपाडी ता.4-आटपाडी पश्चिम भागातील खरसुंडीचे श्री. सिद्धनाथ, घोडेखूर,जकाईदरा, भिमाशंकर आणि शुकाचार्य या पवित्र देवस्थानच्या भरीव विकासासाठी जयदीप भोसले यांना जिल्हा परिषदेत पाठवा, असे आवाहन आमदार सुहास बाबर यांनी केले. खरसुंडी गटाचे शिवसेनेचे उमेदवार जयदीप भोसले पंचायत समितीच्या उमेदवार डॉ. मिनाक्षी पुजारी, सुनिता सरगर यांच्या प्रचारार्थ तळेवाडी, काळेवाडी, गोमेवाडी, हिवतड, मानेवाडी, अर्जुनवाडी आदी गावांचा आमदार सुहास बाबर यांनी दौरा करून प्रचार सभा घेतल्या. त्यांच्या सोबत जिल्हा बँकेचे संचालक तानाजीराव पाटील, तीर्थक्षेत्र आघाडीचे भारत पाटील, राष्ट्रवादी युवकचे जिल्हाध्यक्ष अनिल पाटील, हरीभाऊ माने आदी सोबत होते. यावेळी आमदार श्री. बाबर यांनी खरसुंडीचे श्री. सिद्धनाथ देवस्थानला चारही बाजूने जोडणाऱ्या रस्त्यासाठी 177 कोटी रुपये देऊन कामे अंतिम टप्प्यात आली आहेत. खानापूर मतदार संघात सर्वाधिक नेलकरंजी परिसराला मोठी धार्मिक स्थळाचे भाग्य लाभले आहे. त्याचा कायापालट केला जाईल. शेतीसाठी पाणी आले आहे आता विजेची गरज आहे. 50% भागात दिवसा वीज देण्याचा प्रयोग सुरू केला आहे. उर्वरित भागालाही काही दिवसातच दिवसा वीज मिळेल. राजकारणात लोकांचे प्रश्न सोडवण्यासाठी यायचं असतं. त्याची जाण असलेल्या आणि तुमची काळजी घेणारे जयदीप भोसले आणि त्यांच्या सहकाऱ्यांना संधी द्या. तीच मोहनकाका भोसले यांना खरी श्रद्धांजली ठरेल.". श्री. पाटील म्हणाले,"कामे सांगून मते मागतो. विरोधक मतासाठीच गावात येतात त्यांना प्रश्नच माहीत नाहीत. त्यामुळे सोडवणं लांबच आहे. विरोधकांचा शिव्या देण आणि दहशत निर्माण करण एवढाच कार्यक्रम चालू आहे. शिव्या देणाऱ्याना यावेळी खड्यासारखे बाजूला काढा. यावेळी अनेकांची भाषणे झाली. यावेळी आनंदराव देशमुख, संजय देशमुख, दादासाहेब सरगर, सरपंच नाना सरगर, शामराव म्हारगुडे, नानासाहेब सरगर, जगन्नाथ सरगर, मारूती सरगर आदी उपस्थित होते. फोटो -१) तळेवाडी ता. आटपाडी खरसुंडी जिल्हा परिषद गटातील शिवसेनेचे उमेदवार जयदीप भोसले आणि पंचायत समिती उमेदवाराच्या प्रचारार्थ आमदार सुभाष बाबर यांनी तळेवाडी येथे प्रचार सभा घेतली.