शेतकऱ्यांना अभ्यास दौऱ्यासाठी इजराइलला नेतो म्हणून 50 लाखाचा गंडा घातला

 आटपाडी - इजराइलला शेतकऱ्यांना अभ्यास दौऱ्यासाठी घेऊन जातो म्हणून पुण्यातील भामट्याने सांगोला आणि आटपाडी तालुक्यातील 31 शेतकऱ्यांना 47 लाख 70 हजाराचा चुना लावला आहे. प्रत्येक शेतकऱ्याकडून एक लाख साठ हजार रुपये घेऊन त्यांना इजराइल दौऱ्याला न नेहता फसवणूक केल्याची फिर्याद आटपाडी पोलीस ठाण्यात दाखल झाली आहे.              याबाबत अधिक माहिती अशी की आटपाडी आणि सांगोला तालुक्यातील मोठे डाळिंब उत्पादक शेतकऱ्यांचा एक व्हाट्सअप ग्रुप होता. या सोशल मीडियाच्या माध्यमातून पुण्यातील महेश भाऊसाहेब कडूस पाटील राहणार गणेश नगर चिंचवड पुणे हा आला होता. दुष्काळी भागातील डाळिंब उत्पादक शेतकऱ्यांना इजराइल मधील डाळिंबाची अत्याधुनिक शेती डाळिंबातील तंत्रज्ञान दाखवण्यासाठी म्हणून शेतकरी अभ्यास दौऱ्याचे आयोजन करतो असे सांगून नाना गडदे त्यांच्या ३० मित्राकडून प्रत्येकी एक लाख ७० प्रमाणे पैसे घेतले होते. नानासो गडदे यांचे मित्र नाना यशवंत माळी, कल्लाप्पा गडदे सर्व रा.गोडवाडी ता. सांगोला यांच्यासह 29 जणांनी करगणी येथील आयसीआयसीआय बँकेतून महेश भाऊसाहेब कडव यांना पैसे पाठवले. त्यानंतर कडव यांनी शेतकऱ्यांना इजराइलच्या दौऱ्याला नेले नाही तसेच पैसेही शेतकऱ्यांना परत केले नाहीत. त्यामुळे शेतकऱ्यांना आपली फसवणूक झाल्याचे लक्षात आले. आज नानासो दादा गदडे यांनी आटपाडी पोलीस ठाण्यात तक्रार दाखल केली आहे.