राष्ट्रवादी काँग्रेसने माणगंगा साखर कारखाना विकासाचे केंद्र बनवावे

आटपाडी ता.१- येथील बंद माणगंगा साखर कारखाना सुरू करून राष्ट्रवादी काँग्रेसने आटपाडीसह सांगली, सातारा आणि सोलापूर तीन जिल्ह्याचे विकास मुख्य केंद्र बनवावे, अशी मागणी " एक तास राष्ट्रवादीसाठी, आगामी महाराष्ट्राच्या विकासासाठी " या उपक्रमाच्या माध्यमातून घेतलेल्या बैठकीत केला.                  राष्ट्रवादी काँग्रेसच्या अल्पसंख्याक विभागाचे प्रदेश महासचिव सादिक खाटीक यांच्या अध्यक्षतेखाली ही बैठक पार पडली. या बैठकीचे स्वागत असिफ खाटीक यांनी केले. यावेळी मनोज भोसले, विनोद बनसोडे, असिफ कलाल,अतुल गायकवाड, प्रकाश पाटील, आप्पासाहेब ऐवळे, अमिर तांबोळी, प्रशांत पोरे, असिफ कुरेशी, अमित खंडागळे, इम्रान शेख आदी उपस्थित होते.  बैठकीत माणगंगा साखर कारखाना बंद पडल्यामुळे झालेल्या प्रतिकूल परिणाम वर चर्चा झाली. तो कारखाना पुन्हा सुरू करावा, अशी साऱ्यांनीच अपेक्षा व्यक्त केली. त्यासाठी राष्ट्रवादी काँग्रेसने पुढाकार घ्यावा अशी अपेक्षाही व्यक्त केली. तसेच खानापूर विधानसभा मतदार संघातून राष्ट्रवादी काँग्रेसचाच आमदार निवडून यावा, यासाठी वाडी-वस्ती पासून पक्ष बांधणीचे काम कार्यकर्त्यांनी करण्याचे आवाहन श्री. खाटीक यांनी केले. आभार रियाज शेख यांनी मानले.