लेंगरेवाडीत मुंबईच्या "आई" प्रतिष्ठानकडून झकास काम

आटपाडी ता.१२-  लेंगरेवाडी ता. आटपाडी येथील न्यू. इंग्लिश स्कूलच्या मैदानावर मुंबई येथील "आई" प्रतिष्ठान आणि शिवशक्ती इंजिनिअरिंग कंपनीने संयुक्तपणे वड, पिंपळ आणि चिंच या प्रकारच्या शंभर झाडाचे वृक्षारोपण केले. यावेळी "आई" प्रतिष्ठानचे शरद कोरडे आणि ग्रामस्थ उपस्थित होते.                                   शरद कोरडे हे "आई" प्रतिष्ठान आणि शिवशक्ती इंजिनिअरिंग कंपनीच्या माध्यमातून विविध सामाजिक उपक्रम राबवतात. कोरोनाच्या काळात शेटफळे ग्रामपंचायतीने सुरू केलेल्या मिनी कोविड सेंटरला मोफत औषध साठा पुरवला होता. गतवर्षी धावडवाडीत रस्त्याच्या दुतर्फा 1000 लहान वृक्षाचे रोपन केले होते. यंदा पावसाळ्याच्या तोंडावर त्यांनी वृक्षारोपणाचा उपक्रम सुरू केला आहे. त्याची सुरुवात लेंगरेवाडी येथील न्यू इंग्लिश स्कूल या माध्यमिक विद्यालयाच्या मैदानावर वृक्षारोपण करून केली. यामध्ये त्यांनी पाच ते सात फूट उंचीचे पिंपळ, वड, चिंच आणि बेलाच्या झाडाचे वृक्षारोपण केले. जेसीबीच्या साह्याने वृक्षारोपणासाठी खड्डे खुदाई करून त्यामध्ये शेणखत आणि वर खते टाकून ही झाडे लावली आहेत. त्यासाठी ठिबक सिंचनाची ही सोय करून दिली आहे. यावेळी शाळेचे मुख्याध्यापक आर. डी. मोहिते, शेटफळेचे माजी उपसरपंच निवृत्ती गायकवाड, सहशिक्षक डी. एम. भिवरे, एस. डी.घेरडे, बी. डी. बागल, के. एम. सावंत, विक्रांत गायकवाड, वासुदेव लेंगरे, कुंडलिक लेंगरे आदी उपस्थित होते.