नेलकरंजी--शिवसेनेचे जयदीप भोसले यांनी मतदारांशी साधला संवाद

आटपाडी (प्रतिनिधी):खरसुंडी जिल्हा परिषद गटाचे शिवसेनेचे उमेदवार जयदीप भोसले यांनी निवडणूक प्रचारार्थ मिटकी गावाच्या नागरिकांशी संवाद साधला. या दौऱ्यादरम्यान ग्रामस्थांनी त्यांचे उत्स्फूर्त स्वागत केले असून, आगामी काळात त्यांच्या पाठीशी ठाम राहण्याची ग्वाही दिली आहे.

*बाळूमामांचे दर्शन घेऊन प्रचाराचा श्रीगणेशा*

जयदीप भोसले यांनी दौऱ्याची सुरुवात मिटकी येथील संत बाळूमामा मंदिरात दर्शन घेऊन केली. देवदर्शनानंतर त्यांनी गावातील प्रमुख चौक आणि वस्त्यांवर जाऊन नागरिकांच्या गाठीभेटी घेतल्या.    *मोहनकाकांच्या विकासकामांना उजाळा*

यावेळी झालेल्या कोपरा सभा आणि संवादादरम्यान ग्रामस्थांनी माजी आमदार स्वर्गीय मोहनराव पाटील (मोहनकाका) यांच्या कार्यकाळात झालेल्या विकासकामांच्या आठवणींना उजाळा दिला. "काकांच्या काळात झालेली कामे आजही आमच्या स्मरणात आहेत आणि त्याच विकासाची परंपरा पुढे नेण्यासाठी आम्ही जयदीप भोसले यांच्या पाठीशी भक्कमपणे उभे राहू," असा विश्वास ग्रामस्थांनी यावेळी व्यक्त केला.

या संवाद दौऱ्याप्रसंगी राष्ट्रवादी काँग्रेस ओबीसी सेलचे जिल्हाध्यक्ष जालिंदर कटरे, सचिन गुरव, डॉ. उमेश पुजारी, माजी सरपंच दादासाहेब कोळेकर, सोसायटी संचालक ब्रह्मदेव जरग, आवटेवाडीचे सरपंच किरण पवार, ब्रह्मदेव कोळपे, आबासो यमगर, दादा कोकरे, आत्माराम माने, यशवंत कोळपे यांच्यासह महायुतीचे पदाधिकारी, कार्यकर्ते आणि ग्रामस्थ मोठ्या संख्येने उपस्थित होते.

या दौऱ्यामुळे मिटकी परिसरात जयदीप भोसले यांच्या प्रचाराला मोठी गती मिळाली असल्याचे दिसून येत आहे.