शेटफळेत आचारसंहिता संपल्यावर छत्रपती शिवाजी महाराज यांचा पुतळा बसवणार - विनायक मासाळ

शेटफळेत आचारसंहिता संपल्यावर वीस पंचवीस दिवसात छत्रपती शिवाजी महाराज यांचा स्वखर्चाने पुतळा बसवणार असल्याचा शब्द राष्ट्रवादी काँग्रेस आणि शिवसेना युतीचे जिल्हा परिषदेचे उमेदवार विनायक मासाळ यांनी दिले. शेटफळे येथे प्रचार सभेत ते म्हणाले, महाराष्ट्राचे आराध्य दैवत छत्रपती शिवाजी महाराज यांचा शेटफळे सारख्या सुसंस्कृत गावात पुतळा बसविण्याची संधी मिळणार आहे. हे माझे खरोखर भाग्य समजतो."विरोधकांना माझं एवढंच सांगणं आहे, मी शब्द दिला आहे आणि तो मी पाळणारच. त्यामुळे तुम्ही उद्याच लगेच दुसरा एखादा शब्द देऊन लोकांची दिशाभूल करू नका. मला फक्त आचारसंहिता संपल्यानंतर २० ते २५ दिवसांचा अवधी द्यावा. जर या विहित काळात मी पुतळा बसवला नाही, तर तुम्ही खुशाल तो बसवावा.