शिवसेनेच्या अ‍ॅड. विद्यताईा मोटे यांचा ‘डोअर टू डोअर’ प्रचाराने झंझावात

निंबवडे ( विशेष प्रतिनिधी) - निंबवडे जिल्हा परिषद गटातील शिवसेनेच्या उमेदवार अ‍ॅड. विद्याताई मोटे यांनी आपला प्रचाराचा वेग प्रचंड वाढवला असून, त्यांनी 'पायाला भिंगरी' लावून संपूर्ण गट पिंजून काढण्यास सुरुवात केली आहे. घर टू घर गाठीभेटी आणि महिलांशी थेट संवाद यावर भर दिल्याने अ‍ॅड. मोटे यांना मतदारांचा अभूतपूर्व प्रतिसाद मिळत आहे. त्यांच्या या सक्रियतेने विरोधकांच्या गोटात मात्र धडकी भरली आहे.                                                *प्रत्येक उंबरठ्यापर्यंत पोहोचण्यावर भर*

निवडणुकीच्या आखाड्यात उतरल्यापासून अ‍ॅड. विद्या मोटे यांनी प्रत्येक गाव, वाडी आणि वस्तीवर लक्ष केंद्रित केले आहे. नुकत्याच त्यांनी विरोधाचा गड समजल्या जाणाऱ्या झरे गावांचा दौरा केला. त्याला प्रचंड मोठा प्रतिसाद मिळत आहे. केवळ सभांमधून भाषणे न देता, त्या प्रत्येक कुटुंबाच्या उंबरठ्यापर्यंत पोहोचत आहेत. घरातील महिलांशी संवाद साधून त्यांच्या समस्या, अडचणी आणि अपेक्षा जाणून घेत आहेत. महिलांशी जिव्हाळ्याचे नाते निर्माण करण्यावर त्यांनी विशेष भर दिला असून, गावागावातील ज्येष्ठ महिलांचे आशीर्वाद त्यांना मिळत आहेत.

*तरुण आणि महिला शक्तीची मोठी साथ*

अ‍ॅड. मोटे यांच्या प्रचाराचे वैशिष्ट्य म्हणजे त्यांच्यासोबत असलेला महिलांचा आणि तरुणांचा मोठा फौजफाटा सोबत आहे. प्रचारादरम्यान प्रत्येक गावातून तरुण वर्ग उत्स्फूर्तपणे त्यांच्या रॅलीत सहभागी होत आहे. "आपल्या हक्काची आणि सुशिक्षित उमेदवार" म्हणून महिला वर्ग अ‍ॅड. मोटे यांच्याकडे मोठ्या आशेने पाहत आहे. घरोघरी जाऊन केल्या जाणाऱ्या या प्रत्यक्ष संवादामुळे गटात शिवसेनेची बाजू भक्कम होताना दिसत आहे. गटात अ‍ॅड. विद्या मोटे यांनी प्रचारात घेतलेली ही आघाडी आगामी काळात निवडणुकीचे चित्र पालटणारी ठरेल, अशी चर्चा रंगू लागली आहे.