खरसुंडीत अजित पवार यांना शिवसेनेकडून श्रद्धांजली

आटपाडी ता.१- उपमुख्यमंत्री अजित पवार यांच्या निधनाबद्दल खरसुंडी येथे शिवसेनेने शोकसभेचे आयोजन केले होते. यावेळी अनेक मान्यवरांनी उपमुख्यमंत्री अजित पवार यांच्या कार्यपद्धतीला उजाळा देऊन श्रद्धांजली अर्पण केली.              खरसुंडी येथे शिवसेनेच्या कार्यालयात हा श्रद्धांजलीचा कार्यक्रम पार पडला. यावेळी जयदीप भोसले यांच्या हस्ते अजित पवार यांच्या प्रतिमेस अभिवादन करून श्रद्धांजली वाहण्यात आली. यावेळी डॉ. मनीषा पुजारी, डॉ. उमेश पुजारी जिल्हा बँकेचे माजी उपाध्यक्ष शशिकांत देठे प्रमुख उपस्थित होते. अनेक मान्यवरांनी अजित पवार यांच्या कार्यपद्धतीवर आणि केलेल्या कामावर प्रकाश टाकून मौन पाळून श्रद्धांजली वाहिली. यावेळी विनोद पुजारी, जहांगीर शेख,दुर्वाआप्पा देठे, ओटीवाडी विकास सेवा सोसायटीचे अध्यक्ष बापुराव खाडे,मा जी उपसरपंच मच्छिंद्र भोसले, सुमंत पुजारी,शरद पेडकर, ग्रामपंचायत सदस्य सुभाष माळी यांच्यासह नागरिक मोठ्या संख्येने उपस्थित होते.         फोटो -१) खरसुंडी ता. आटपाडी येथे उपमुख्यमंत्री अजित पवार यांना शिवसेनेकडून श्रद्धांजली अर्पण केली.