टेंभूत भाजप नव्हे तर युती आणि अनिलभाऊंचा सिंहांचा वाटा

टेंभू सोबत सामान्य माणसानेच स्वर्गीय आमदार अनिल भाऊंचा नाव जोडलं आहे. त्यांनीच योजना मांडण्यापासून 2014 नंतर गती देऊन पाणी देण्याचे काम केलं आहे आणि राज्यात फक्त भाजपाची सत्ता नव्हती सोबत शिवसेना होती, असे प्रत्युत्तर आमदार सुहास बाबर यांनी विरोधकांना दिले. यावेळी त्यांनी युतीची सत्ता आणि स्वर्गीय आमदार अनिलभाऊ यांचाच टेंभू योजनेत सिंहांचा वाटा असल्याचा प्रबळ दावा केला.               नेलकरंजी ता. आटपाडी येथे प्रचार सभेनंतर झालेल्या पत्रकार बैठकीत आमदार सुहास बाबर यांनी टेंभू संदर्भात भाजप नेतेमंडळीकडून टेंभू योजना भाजपानेच मार्गी लावल्याचा दावा केला जात असल्याच्या प्रश्नावर मत व्यक्त केले. टेंभू सोबत स्वर्गीय आमदार अनिलभाऊ यांचे सर्वसामान्य माणसांनीच नाव जोडले आहे. कोणत्याही गावातील कोणत्याही माणसाला विचारलं तर टेंभू आणि अनिल भाऊ असंच तोंडातून नाव येत. कारण त्यांनीच योजना मांडली आणि गती देऊन पूर्णत्वाकडे नेहली. सांगलीत भाजपात प्रवेश केलेल्या मंडळींमध्ये अपवाद एखादा वगळता शिवसेनेचा कोणीही नव्हता. जे आमच्या विरोधात भूमिका घेत होते अशीच राष्ट्रवादीमधील मंडळी गेली आहे. त्याचा फारसा परिणाम होणार नाही."