सांगलीत इडीचे छापे

सांगली-- शहरातील एका मोठ्या उद्योगपतीच्या बंधूच्या घरावर इडीने आज पहाटे छापा टाकला. या छाप्याने सांगलीत खळबळ उडाली आहे.           आज पहाटे पाच वाजताच इडीचे अधिकारी दोन पथकातून सांगलीत दाखल झाले सांगलीतील त्रिकोणी बागेत वास्तव्यास असलेल्या उद्योगपतीच्या दोन बंगल्यावर हे छापे टाकले आहेत. हे दोन्ही बंगले सांगलीतील नामवंत दोन उद्योगपती बंधूची आहेत. त्यांचे इलेक्ट्रॉनिक्स व्यवसाय क्षेत्रात नाव आहे. व्यवसायातील अनियमित्ता आणि संस्था उलाढाली केल्याने ही कारवाई केल्याचे समोर येत आहे. इडीच्या दोन पथकाने दोन बंगल्यावर छापा टाकून कागदपत्राची तपासणी सुरू केली आहे. तसेच अनेकांचे जबाब घेण्याचे काम सुरू केले आहे. या दोन्ही बंगल्याच्या बाहेर एसआरपीचे जवान तैनात केले आहेत. याबाबत इडीच्या अधिकाऱ्यानी अद्याप अधिकृत दुजोरात दिलेला नाही.