श्री. संत बाळूमामा देवस्थान समितीच्या बरखास्तीची आमदार गोपीचंद पडळकराची मागणी

आटपाडी ता.३०- आदमापूर ( जि. कोल्हापूर) येथील महाराष्टाचे जागृत देवस्थान संत बाळूमामांच्या लौकीकाला व्यवस्थापन समितीच भ्रष्ट आचरणातून धक्का लावण्याचं काम करत आहे. भ्रष्टाचारात बरबटलेली ही समिती विसर्जीत करून शासनानेच धर्मादाय कायदा आणून धनगर समाजाचे प्रतिनिधित्व असलेली नविन समिती निर्माण करण्याची मागणी उपमुख्यमंत्री देवेंद्र फडवणीस यांच्याकडे केली असल्याची माहिती आमदार गोपीचंद पडळकर यांनी दिली.                                                                 आदमापुर जिल्हा्ह्हा््हा्ह्हा्हा्ह्््ह्हा््हा्ह्हा््हा्ह्हा् कोल्हापूर येथील श्री संत बाळूमामा हे महाराष्ट्रात जागृत देवस्थान म्हणून श्रद्धास्थान म्हणून मानले जाते. त्याच्या दर्शनासाठी राज्य देश आणि परदेशातून कोट्यावधी भाविक दरवर्षी येतात तेथे मोठे धार्मिक सोहळे पार पडतात. तेथील व्यवस्थापन समितीच्या भ्रष्ट कारभाराची तक्रार आमदार गोपीचंद पडळकर यांनी उपमुख्यमंत्री देवेंद्र फडवणीस यांच्या दरबारात मांडले आहे. आमदार गोपीचंद पडळकर यांनी उपमुख्यमंत्री देवेंद्र फडवणीस यांची या संदर्भात भेट घेतली. श्री संत बाळूमामा देवस्थानला दर्शनासाठी जगभरातून भाविक मोठ्या श्रद्धेने येतात. येणारे भाविक मंदिराला मोठ्या मनाने देणगी आणि दक्षिणा देतात. सध्या या मंदिराचे व्यवस्थापन कोल्हापूर येथील धर्मादाय उपाआयुक्तकडे नोंदणी असलेल्या समितीकडे आहे. मात्र भ्रष्ट आचरणामुळे कोल्हापूर धर्मादाय सहआयुक्तानी समिती रिक्त केली आहे. मात्र ही समिती काम बघत असून त्यांच्याकडून न सांगण्यासारखे भ्रष्टाचार सुरू आहेत. राज्य, देश आणि परदेशातून येणारे भाविक देणग्या आणि लाखोंची देणगी देतात मात्र त्यांना समिती कसल्याही सुविधा देत नाही. सुविधा देण राहिल उलट भ्रष्टाचाराने ही समिती बरबटली आहे. मंदिराची स्थावर आणि जंगम मालमत्तेवर त्यांनी कब्जा मिळवला असून त्याचा गैरवापर चालू आहे. त्यामुळे या धार्मिक स्थळाला डाग लावण्याचे काम चालू असून ते तात्काळ थांबवणे अत्यंत गरजेचे आहे. कोल्हापूर येथील करवीर श्री. महालक्ष्मी मंदिरात संदर्भात शासनाने विशेष कायदा केला आहे. त्याच धर्तीवर श्री. संत बाळूमामा देवस्थानसाठी कायदा करून नवीन व्यवस्थापन समिती स्थापन करावी. आणि त्यामध्ये धनगर समाजाला प्रतिनिधित्व द्यावे, अशी मागणी आमदार गोपीचंद पडळकर यांनी केली आहे.